اقش پرەزيدەنتى دونالد ترامپ ەلدە جۇرتتىڭ نازارىن اۋدارارلىق ارەكەتتەر ءالى دە جالعاسىپ جاتقانىن ايتتى.
–بۇل ماسقارا... مۇنداي جاعداي باسقا پرەزيدەنتتەردىڭ باسىنان وتپەسىن»، –دەپ مالىمدەدى اق ءۇي قوجايىنى.
وقيعاعا ورالار بولساق، ۇستىمىزدەگى جىلدىڭ مامىر ايىنىڭ بەرى اقش-تىڭ فەدەرالدىق تەرگەۋ بيۋروسى ترامپقا قاتىستى تەرگەۋ جۇمىستارىن جۇرگىزىپ جاتىر. دونالد ترامتىڭ ءوزى دە تەرگەۋ قورىتىندىسىن اسىعا كۇتىپ وتىرعانىن جەتكىزدى. اق ءۇي قوجايىنى فبر قازىرگى اقش بيلىگىن ورنىنان كەتىرىپ، دايەكسىز دەرەكتەر ارقىلى مەملەكەتتىك توڭكەرىس جاساماق بولعانىن دا جاسىرمادى.
اق ءۇي قوجايىنى ءفبر-دىڭ تەرگەۋ جۇمىستارى جاقىن ۋاقىتتا اياقتالاتىنىن ايتتى. ال بۇل قانداي تەرگەۋ، ترامپتىڭ قانداي كىناسى بار؟
اڭگىمە دونالد ترامپ شتابىنىڭ سايلاۋعا دەيىنگى جانە ودان كەيىنگى ارەكەتتەرى تۋرالى ەكەن. ترامپتىڭ سايلاۋالدى شتابىنىڭ جۇمىسى قانشالىقتى زاڭدى؟ اقش-تىڭ فەدەرالدىق تەرگەۋ بيۋروسى وسى ماسەلەنى تەرەڭىرەك ءارى جان-جاقتى زەرتتەپ جاتىر. ءتىپتى «ترامپتىڭ رەسەي ۇلتتىق قاۋىپسىزدىك قىزمەتىمەن بايلانىسى بولدى» دەگەن دەرەك تە ءالى جوققا شىعارىلماي وتىر.
ال دونالد ترامپ بولسا، پرەزيدەنتتىك سايلاۋ جاقىنداپ كەلە جاتقان ساتتە مۇنىڭ ءبارى قولدان جاسالىنىپ وتىر دەپ سانايدى. ءبىرشاما ۋاقىت بۇرىن وسىعان بايلانىستى فەدەرالدىق تەرگەۋ بيۋروسىنىڭ ءبىرقاتار قىزمەتكەرلەرى ۇستالعان.
ارينە، مۇنداي ارەكەتتەر ترامپ پرەزيدەنت بولعالى ورىن الىپ كەلە جاتىر. ءبىراق ونىڭ ەشقايسىسى دالەلدەنگەن جوق. نەگىزى پرەزيدەنتتىك سايلاۋ جاقىنداعان سايىن ترامپتى تۇقىرتۋ ارەكەتى جالعاسۋدا. ءبىراق ونىڭ اقىرى قالاي اياقتالاتىنى بەلگىسىز.
پىكىر قالدىرۋ